ការលើកកម្ពស់ឌីជីថលូបនីយកម្មនៃប្រតិបត្តិការធុរកិច្ច និងយុទ្ធសាស្ត្រទីផ្សាររបស់សហគ្រាស
និន្នាការជំរុញសហគ្រាសគ្រប់វិស័យត្រូវគិតគូរក្នុងការទាញយកអត្ថប្រយោជន៍ និងការបង្កើតតម្លៃបន្ថែមពីនវានុវត្តន៍នៃបច្ចេកវិទ្យា ក៏ដូចជាការរក្សាបាននូវមូលដ្ឋានអាជីវកម្មក្នុងបរិការណ៍នៃបរិវត្តកម្មឌីជីថល។
ថ្នាលបរិវត្តកម្មឌីជីថលសហគ្រាស
ថ្នាលឌីជីថលនេះនឹងក្លាយជាកន្លែងប្រមូលផ្តុំមួយ (One Stop Shop) និងជាកន្លែងដែលផ្គូរផ្គងរវាងអ្នកផ្តល់ និងអ្នកត្រូវការដំណោះស្រាយឌីជីថលទៅតាមកម្រិតត្រៀមខ្លួនរបស់សហគ្រាសតាមរយៈការវាយតម្លៃពីកម្រិតត្រៀមខ្លួន។
មជ្ឈមណ្ឌលបរិវត្តកម្មឌីជីថលសហគ្រាស
ការបង្កើតមជ្ឈមណ្ឌលបរិវត្តកម្មឌីជីថលសហគ្រាសសម្រាប់ផ្តល់ព័ត៌មានជូនម្ចាស់សហគ្រាសដែលមានបំណងចាប់ផ្តើមដំណើរការបរិវត្តកម្មឌីជីថល ដូចជា ការវាយតម្លៃកម្រិតត្រៀមខ្លួនចាប់យកឌីជីថល និងកំណត់ប្រភេទផលិតផល ឬសេវាកម្មដែលជំរុញឌីជីថលូបនីយកម្ម។
ការរៀបចំយុទ្ធនាការថ្នាក់ជាតិលើការផ្សព្វផ្សាយ និងការបង្កើនការយល់ដឹង
ការរៀបចំយុទ្ធសាស្ត្រផ្សព្វផ្សាយខ្លឹមសារដាក់នៅក្នុងថ្នាលឌីជីថល ការផ្សាយជាសាធារណៈ និងយន្តការផ្ដល់ព័ត៌មានផ្សេងៗ ដើម្បីសហគ្រាសអាចទទួលបានព័ត៌មានពេញលេញគ្រប់ជ្រុងជ្រោយ និងអាចជឿទុកចិត្តបាន។
ការស្រាវជ្រាវ និងរៀបចំផែនការបរិវត្តកម្មឌីជីថលសហគ្រាសតាមវិស័យ
ការសិក្សាស្រាវជ្រាវទៅលើតម្រូវការឧបករណ៍ឌីជីថលដែលសហគ្រាសត្រូវការ និងរៀបចំជារបាយការណ៍ស្តីពីការស្រាវជ្រាវ អត្ថបទខ្លីៗ ព័ត៌មានចាំបាច់សំខាន់ៗ ដើម្បីធ្វើជាមូលដ្ឋានក្នុងការរៀបចំផែនការចាប់យកឌីជីថលរបស់សហគ្រាសតាមវិស័យឱ្យបានគ្រប់ជ្រុងជ្រោយ គួបផ្សំនឹងការកាត់បន្ថយនូវផលប៉ះពាល់អវិជ្ជមាននានាបណ្តាលមកពីបច្ចេកវិទ្យាឌីជីថល។